Fir d'Aamäldig zer Konkurränz isch es wichtig, dass jeede Ainzel- oder Grubbekonkurränt s'Reglemänt glääse hett.

Doo nomoll die wichtigschte Pinggt:

• Jeede Konkurränt muess mindeschtens 18 Joor alt syy und in ere Basler Drummelschuel s'Basler Drummle g'leert ha.
• Es wäärde 3 Märsch uss em Ueli-Repertoire aagää und denn uff dr Biini dää zooge, wo vordrait wird. S'Ueli-Repertoire findsch im Reglemänt.
• In dr Ainzelkonkurränz ka d'Jury im Aaschluss vom Vortrag no dr 3., 5. oder 6. Värs vo de Märmeli mit Wiiderhoolig verlange
• D'Jury ka vom Konkurränt in dr Ainzelkonkurränz no Grundlaage verlange, sett e Unklarhait bestoo
• Es ka im Saal au e Wild Card (Begränzti Aazahl) zooge wärde fir Ainzel oder Grubbe
• Bewärtet wird Technik, Dynamik, Rhythmik und dr Gsamtvortrag (Haltig, Gosdym, Klang vom Inschtrumänt und Verhalte uff dr Biini
• D'Startplätz sinn begränzt. Dr Schnäller isch dr Gschwinder....
• D'Startgebyyre findsch im Reglemänt

Wenn Du dermit yyverstande bisch, denn derfsch Du gärn uff dr Knopf drugge, wo Di zem Aamäldeformular fiehrt.

ACHTIG:

Am Schluss vo dr Aamäldig muesch unbedingt d‘Mailadrässe bestätige, denn bikunnsch Du e Aamäldebestätigung!

Mir fraie-n-ys uff vyyl Aamäldige.