Ab sofort isch dr Vorverkauf ereffnet. E Oobekasse gitts nur, falls es no e paar weenigi Billijee wurd gää.

Fir's Ueli 1876-Jubiläums-Bryysdrummle gitts 3 Kategorie im Vorverkauf:

 

• Kategorie Saal
  65 Frangge pro Persoon
  Inbegriffe isch e Sitzplatz im Saal und e feyns 3-Gang Menü. Es gitt kaini Tisch- oder Stuehlnummere.
   

• Kategorie Galerie
  25 Frangge pro Persoon
  Inbegriffe isch dr Zuetritt in Stehplatzberaich uff dr Galerie ohni Ässe. Es ka speeter Finger-Food bstellt wärde. D'Sicht uff Biihni isch unter Umständ lyycht yygschränggt.
   

• Kategorie Säggsertisch
  390 Frangge pro Tisch
  Inbegriffe isch e Säggsertisch mit 6 Sitzplätz im Saal und e feyns 3-Gang Menü. Die Tisch sinn reserviert.
   

• Kategorie Achtertisch
  520 Frangge pro Tisch
  Inbegriffe isch e Achtertisch mit 8 Sitzplätz im Saal und e feyns 3-Gang Menü. Die Tisch sinn reserviert.

 

WICHTIGS ZEM YYTRITT:

S'Jubiläums-Bryysdrummle effnet d'Diire am 17.30 Uhr. Bitte nutzed d'Garderobe (koschteloos, unbewacht) vor Ort und sitzed nach em Yylass glyy aane. D'Plätz sinn nid nummeriert. Es bestoot Saalservice fir Geträngg und Ässe.

 

Es hilft uns, wenn s'Dringge rächtzyttig bstellt wird, dermit mir d'Bryysdrummel-Konkurränz pinggtlig am 18.30 Uhr staarte könne.

Ab 20.00 Uhr wird s'Ässe im Saal serviert.

 

Mir bedangge-n-ys fir's Verständnis, dass während dr Konkurränz kaini kurze Rauch- oder Toilettepause vorgseeh sinn, und bitte, die uff d'Pause z'leege, zem e ryybigsloose Ablauf könne z'gwäärlaischte.

 

Während de Ufftritt vo de Konkurränte und Konkurräntinne bitte mir, dr Lärmpeegel uff e Minimum z'reduziere.

 

Uffgrund vo-n-ere stargge Nussallergie vo-m-e Konkurränt bitte mir dringendscht, uff jeglichi Nussprodukt oder Produkt mit Nussinhalt z'verzichte!

 

Billijee

Dr Kauf vo de Yytrittsbillijee erfolgt digital iiber Eventfrog.

Es bestoot au d'Meegligkait, bi Orell Füssli dr Vorverkauf z'nutze. Si schaffe mit Eventfrog zämme.

 

Bitte bring Di  Billijee ussdruggt oder iiber d'App «Eventfrog» mit. Dr QR-Code muess vollständig abbildet syy. Ooni gültigs Billijee könne mir kai Yylass gwäähre. 

Jeede QR-Code isch nur aimoll gültig! Nach dr Yygangskontrolle bikunnsch denn e Bändeli.

 

Menü

Sälbschtverständligg beruggsichtige mir gärn Dyni individuelle Ernäärigswintsch (vegetarisch, vegan, laktose- oder glutefrey) und beachte dyni Allergie. Bitte deponier bim Service dy Aaliige und dail's mit, falls e vegetarischs, vegans oder glutefreys Menü benötigt wird.